naattır..
tedbîrini terkeyle takdîr hûda'nındır
sen yoksun o benlikler hep vehm ü gümânındır
birden bire bul aşkı bu tuhfe bulanındır
devrân olalı devrân erbâb-ı safânındır
âşıkta keder neyler gâm halkı cihânındır
koyma kadehi elden söz pîr-i mugânındır
meyhâneyi seyrettim uşşâka matâf olmuş
teklîf ü tekellüften sükkânı maaf olmuş
bir neşe gelüp meclis bî havf u hilâf olmuş
gâm sohbeti yâd olmaz meşrebleri sâf olmuş
âşıkta keder neyler gâm halkı cihânındır
koyma kadehi elden söz pîr-i mugânındır
ey dil sen o dildâra lâyık mı değilsin ya
da'va-yı mahabete sâdık mı değilsin ya
özrü nedir azrâ'nın vâmık mı değilsin ya
bu gâm ne gezer sende âşık mı değilsin ya
âşıkta keder neyler gâm halkı cihânındır
koyma kadehi elden söz pîr-i mugânındır
mahzûn idi bir gün dil meyhâne i ma'nâde
inkâra döşenmiştim efkâr düşüp yâde
bir pîr gelüp nâgâh pend etti alel-âde
al destine bir bâde derd ü gâmı ver bâde
âşıkta keder neyler gâm halkı cihânındır
koyma kadehi elden söz pîr-i mugânındır
bir bâde çek efzûn kap mecliste zeber-dest ol
atma ayağın taşra meyhânede pâ-best ol
alçağa akar sular pây i huma düş mest ol
pür cûş olayım dersen gâlib gibi düş mest ol
âşıkta keder neyler gâm halkı cihânındır
koyma kadehi elden söz pîr-i mugânındır
şeyh gâlib